ዝነኛው ድምጻዊ ታምራት ሞላ ከዚህ አለም በሞት ተለየ

molla_tamrat

ከአራት አመት በፊት ባጋጠመው የደም ካንሰር ህመም ሳቢያ በአሜሪካ እና በታይላንድ ህክምናውን ሲከታተል የቆየው አንጋፋው ድምጻዊ ታምራት ሞላ ፥ ትላንት ንጋት ላይ በተወለደ በ69 አመቱ ከዚህ አለም በሞት ተለይቷል። ካጋጠመው የካንሰር ህመም ሙሉ በሙሉ በሚባል መልኩ ማገገሙን አንጋፋው ድምጻዊ በአንድ ቃለመጠይቅ ወቅት አሳውቆ የነበር ሲሆን አሁን ህመሙ አገርሽቶበት ለህልፈት እንደበቃ ታውቋል።

“ታምሜ ተኝቼ ትላንት ሌሊት” በሚለው ዘፈኑ የሚታወቀው ድምጻዊ ታምራት ብቸኛውን አንታራም ግጥሞች በያዘ “ሰበቡ” በሚለው ዘፈን ሁሌም ይታወሳል።

አርቲስት ታምራት ሞላ በ19 36 ዓ.ም ከአባቱ ከፊት አውራሪ ሞላ ዘለለውና ከእናቱ ከወይዘሮ አበራሽ የኔነህ ፥ በጎንደር ከተማ ተወለደ። በ19 53 ዓ.ም ከጎንደር ወደ አዲስ አበባ ከአጎቱ ጋር በመምጣት በክቡር ዘበኛ የልጅ ወታደር በመሆን የሙዚቃውን አለም አሃዱ ብሎ ጀመረ።

በ19 55 ዓ.ም አብዛኛውን የሙዚቃ ህይወቱን ያሳለፈበትን የምድር ጦር ሰራዊትን የተቀላቀለው አርቲስት ታምራት ፥ ሃገራዊ ፣ ማህበራዊ እና ፍቅርን መሰረት ያደረጉ ሙዚቃዎችን ከመጫወቱ ባለፈ ድራማ እና ቲያትርን ምክንያት አድርጎ መድረክ ላይ መቆም መቻሉን ታሪኩ ያስረዳል። በተለይም ትግላችን በሚል ቲያትር በመሪ ተዋናይነት ለመጫወቱም ባለፈ ፥ የበርካታ ዜማዎች ድርሰትን ቀምሮ ለህዝብ አቅርቧል። በሃገር ፍቅር ቲያትር ቤት ለረጅም ጊዜያት በድምጻዊነት ያገለገለው አርቲስት ታምራት ፥ ከ50 አመታት በላይ ባስቆጠረው የሙዚቃ ህይወቱ ከአድማጭ ጆሮ የማይጠፉና የማይረሱ ሙዚቃዎችን ተጫውቷል።

አርቲስት ታምራት በተለያዩ ሃገራዊ ተሳትፎዎች ላይ ኪነ ጥበቡን በመወከል በሙያው ሃገሩን አገልግሏል። በተለይም በኢትዮ- ኤርትራ ጦርነት ወቅት ከሙያ አጋሮቹ ጋር በመሆን ፥ በአውደ ውጊያው ተገኝቶ የጦር ሰራዊቱን ሲያበረታታ ነበር። የቀብር ስነ ስርዓቱ ትላንት በ 10 ሰአት በመንበረ ፀባኦት ቅድስት ስላሴ ካቴድራል ቤተሰቦቹ ፣ ወዳጅ ዘመዶቹ ፣ የሙያ አጋሮቹ እና አድናቂዎቹ በተገኙበት ተፈጸሟል።

አርቲስት ታምራት ባለ ትዳር እና የ3 ወንድ እና የ2 ሴት ልጆች አባት ነበር።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s