ሌስተር ሲቲ የ2015/16 እንግሊዝ ፕሪሚየር ሊግ ዋንጫ አነሳ

ሌስተር ሲቲ የ2015/16 እንግሊዝ ፕሪሚየር ሊግ ዋንጫ አነሳ

ሌስተር ሲቲ የ2015/16 እንግሊዝ ፕሪሚየር ሊግ ዋንጫ አነሳ

በኪንግ ፓወር ስታድየማቸው ዛሬ ከኤቨርተርን ጋር የተጫወተው ሌስተር ሲቲ የዘንድሮውን የእንግሊዝ ፕሪሚየር ሊግ ዋንጫ አነሳ። ሌስተርን ሻምፒዮናነቱን ያረጋገጠው በሁለተኛነት ይከተል የነበረው ቶትንሃም ባለፈው ሰኞ ማታ ከቼልሲ ጋር ባደረገው ጨዋታ ሁለት አቻ ከተለያየ በኋላ ነበር። ከሁለት አመት በፊት ወደ ፕሪሚየር ሊጉ ያደገው ሌስተር ዘንድሮ ዋንጫ የመብላት እድሉ በአወራራጆች 5000/1 እድል የተሰጠው ቢሆንም ባልተጠበቀ ሁኔታ አሸናፊ ሆኖ አስገራሚ ታሪክ ጽፏል።

ሌስተር በ132 ዓመት ታሪኩ የፕሪሚየር ሊግ ሻምፒዮና ሲሆን የመጀመርያው ሲሆን ድላቸውን ጣፋጭ ያረገው ደግሞ ትንሽ ቡድን ሆኖ ብዙ ገንዘብ የሚያወጡትን እነ ማንቸስተር ሲቲ፣ ማንቸስተር ዩናይትድ እና ቼልሲን የሚያክሉ ትልቅ ቡድኖችን አስከትሎ ሻምፒዮን መሆኑ ነው። በውድድሩ ዘመን መጀመሪያ ወደ ቡድኑ የመጡት ታዋቂው ጣልያናዊ አሰልጣኝ ክላውዲዮ ራኒየሪም በድሉ የመጀመሪያቸው የሆነውን የሻምፒዮን ዋንጫ ከሌስተር ጋር አንስተዋል። ቡድኑ ታዋቂ ያልነበሩ እና ብዙ ገነዘብ ያልወጣባቸው ተጫዋቾች ይዞ ቢጀምርም ወደ ሻምፒዮና በሚያደርጉት ጉዞ ዴንማርካዊው ጎል ጠባቂያቸው ካስፐር ሺማይክል፣ እንግሊዛዊው ኮከብ ጎል አግቢያቸው ጄሚ ቫርዲ፣ አማካዮቻቸው አልጄሪያዊው ሪያድ ማህሬዝ፣ ፈረንሳዊው ንጎሎ ካንቴ እና እንግሊዛዊው ዳኒ ድሪንክዋተር ጎልተው በመውጣት ትላልቅ ክለቦች አይን ውስጥ እንዲሁም ብሄራዊ ቡድኖቻቸው ውስጥ መግባት ችለዋል።

ሌስተሮች በኳስ ቁጥጥር እና በማራኪ ጨዋታ ጎልተው ባይወጡም በጥሩ መከላከል እና መልሶ ማጥቃት ጨዋታቸው የተዋጣላቸው ነበሩ። ከሁሉም በላይ በውድድር ዘመኑ መለያቸው የነበረው የነበራቸው የቡድን ስሜት እና መደጋገፍ ነበር። ሌስተር በመጪው አመት በታላቁ የአውሮያ ቻምፒዮንስ ሊግ የሚሳተፍ ሲሆን አሰልጣኝ ራኒየሪ የቀጣዩ አመት ፕሪሚየር ሊግ አላማቸው እስከ አስረኛ ለመጨረስ እንደሆነ ተናግረዋል።

የዘንድሮውን አለም ዋንጫ ለማሸነፍ የሚችል ብቃት ያለው የአውሮፓ ቡድን ኔዘርላንድ ነው

የኔዘርላንድ ቡድን

የኔዘርላንድ ቡድን

ከአራት አመት በፊት በአፍሪካ ለመጀመሪያ ግዜ በደቡብ አፍሪካ የተካሄደው የአለም ዋንጫ ዘንድሮ ከከተመበት ብራዚል መካሄድ ከጀመረ ቀናት አስቆጥሮአል። በደቡብ አሜሪካ ሲካሄድ የዘንድሮው አለም ዋንጫ ለአምስተኛ ግዜ ሲሆን ብራዚል ውድድሩን አሁን ስታዘጋጅ ለሁለተኛ ግዜ ነው። ለመጀመሪያ ግዜ ከሃምሳ አራት አመት በፊት በ1942 ብራዚአል ባዘጋጀችው አለም ዋንጫ ለፍጻሜ ከኡራጓይ ጋር ብትቀርብም በደጋፊዋ ፊት ተሸንፋ ኡራጓይ ዋንጫው እዛው ደቡብ አሜሪካ አስቀርታዋልች። በአጠቃላይ አለም ዋንጫ ውድድሮች ላይ የሚታየው ሌላው ውድድር በአውሮፓ በተካሄደ ውድድር ስንት የደቡብ አሜሪካ ቡድን አሸነፈ ወይም ደቡብ አሜሪካ በተካሄደ ውድድር ስንት የአውሮፓ ቡድን አሸነፈ የሚል ፉክክር ይገኝበታል። በዚህ ፉክክር እስከዛሬ በአውሮፓ ከተደረጉ አስር የአለም ዋንጫ ውድድሮች ደቡብ አሜሪካ አንድ ግዜ ሲያሸንፍ በደቡብ አሜሪካ በተደረጉ አራት ውድድሮች እስካሁን ያሸነፈ የአውሮፓ አገር የለም። በሰሜን አሜሪካ የተደረጉት ሶስት ዝግጅቶች በሙሉ በደቡብ አሜሪካኖቹ አሸናፊነት ነው የተጠናቀቁት። በዘንድሮ ውድድር እስካሁን በተካሄዱ ጨዋታዎች ወደ ቀጣዩ ባለ16 ዙር ካለፉት መካከል ከአውሮፓ 6 ከደቡብ አሜሪካ ደግሞ 5 ቡድኖች ይገኙበታል።

ከነዚህ የአውሮፓ ቡድኖች የማሸነፍ አቅም እንዳለው እያሳየ ያለው አዳዲስ እና ልምድ ያላቸውን ተጫዋቾች ያጣመረው የኔዘርላንድ ቡድን ነው። ሌላው በወጣት ኮኮቦች የተገነባው የፈረንሳይ ቡድንም ጥሩ ተፎካካሪ እንደሚሆን ያሳየ ቢሆንም የልምድ ማነስ ችግር  እስከ ፍጻሜ ይደርሳሉ ተብሎ አይገመትም። አንዳንዶች ደካማ ተሳትፎ ይኖረዋል ብለው የገመቱት የኔዘርላንድ ቡድን ባልተጠበቀ ሁኔታ የቀድሞዋን ቻምፒዮን ስፔንን 5 ለ 1 አሸነፎ ጠንካራ መሆኑን ካስመሰከረ በኋላ አውስትራሊያንም በማሸነፍ ወደ ቀጣዩ ዙር እንደሚያልፍ አረጋገጠ። በተመሳሳይ ወደ ቀጣዩ ዙር ማለፉን ካረጋገጠው የደቡብ አሜሪካው ጠንካራ ቡድን ቺሊ ጋር ባደረገው ግጥሚያ በጥንቃቄ በመጫወት 2 ለ 0 አሸንፎአል። በደቡብ አሜሪካ አገሮች እግር ኳስ ደረጃ በአምስተኛነት የተቀመጠችው ቺሊ በጣልያኑ ጁቬንቱስ የሚጫወተው ነገር ግን ከኔዘርላንድ ጋር በተደረገው ጨዋታ ያልተሰለፈው አርቱሮ ቪዳል እና በባርሴሎና የሚጫወተው አሌክሲስ ሳንቼዝን ጨምሮ በርካታ ታዋቂ ተጫዋቾችን የያዘ ቡድን ነው።

60ሺ ሰው በሚይዘው ስታዲየም ውስጥ በነበሩ ከ40ሺ የቺሊ ደጋፊዎች ፊት በተካሄደው ጨዋታ ሆላንድ የተጠና ጨዋታ በመጫወት ወሳኞቹን ጎሎች አስቆጥረው የመጀመሪያ የደቡብ አሜሪካ ፈተናቸውን አልፈዋል። በጨዋታው የመጀመሪያ 20 ደቂቃ ቺሊዎች ሲያጠቁ ኔዘርላንድ በመከላከል ካለፉ በኋላ ለቀጣዮቹ 50 ደቂቃዎች ጎል አካባቢ ቦታ ባለመስጠት ጨዋታው መሃል ላይ የቀረበት አይን የማይስብ ሆኖ ነበር። ጨዋታው እንደፈለጉት የሄደላቸው ኔዘርላንዶች የተዳከመውን የቺሊ ቡድን ፍጥነት ባለው ጨዋታ ለማሸነፍ እንዲረዷቸው ሁለት ፈጣን ተጫዋቾችን በ70ኛ እና በ75ኛ ደቂቃ ላይ ቀይረው ባስገቡ በደቂቃዎች ውስጥ የመጀመሪያ ጎላቸውን በአንዱ ተቀያሪ አስቆጥረዋል። ወደ ጨዋታው መጨረሻ ሌላኛው ተቀያሪ ሁለተኛውን በማከል አሸናፊነታቸውን አረጋግጠው ጨዋታውን ፈጽመዋል። ከከባድ ተጋጣሚ ጋር በሚደረግ ጨዋታ ላይ መጀመሪያ መከላከል በኋላ ጨዋታውን ቀዝቀዝ አድርጎ ተጋጣሚን ማየት በስተመጨረሻ አጥቅቶ ማሸነፍ ለዋንጫ የሚሄድ ቡድን መለያዎች ናቸው። ኔዘርላንዶች ለስፔን ያዘጋጁትም መድሃኒት ተመሳሳይ ነበር። በዚሁ ከቀጠሉ በሊዮኔል ሜሲ የምትመራውን ሌላኛዋ የደቡብ አሜሪካ ሃያል አርጀንቲና ሁለተኛ ፈተናቸው ልትሆን ትችላለች።

30ኛው በሰሜን አሜሪካ የኢትዮጲያውያን ስፖርት ፌስቲቫል ተጠናቀቀ

30ኛ አመቱን ያከበረው እና በሜሪላንድ ዩንቨርስቲ ስታድየም የተዘጋጀው የሰሜን አሜሪካ ኢትዮጲያውያን ስፖርት ፌስቲቫል ባሳለፍነው ቅዳሜ ፍጻሜ አገኘ። በመዝጊያው እለት በተደረ የዋንጫ ጨዋታ ቨርጂኒያ ቦስተንን 4 ለ 2 በማሸነፍ የዘንድሮ ሻምፒዮን ሆኗል። ኢትዮጲያውያን ሴቶችን ማወደስ እንደ መርህ ይዞ በተዘጋጀው የ30ኛ አመት ውድድር መዝጊያ ላይ ዝነኛዋ አርቲስት መሰረት መብራቴ ለአሸናፊዎች ሽልማት አበርክታለች።

የፌስቲቫሉ ማጠናቀቂያ የሙዚቃ ምሽት ላይ ነጻነት መለሰ፣ ጃ ሉድ፣ ቴዎድሮስ ታደሰ፣ ብርሃኑ ተዘራ፣ ሚካኤል በላይነህ እና ቴዲ አፍሮ ታዳሚዎችን ሲያዝናኑ አምሽተዋል።

This slideshow requires JavaScript.

30ኛው በሰሜን አሜሪካ የኢትዮጲያውያን የስፖርት ፌስቲቫል ESFNA በድምቀት እየተካሄደ ነው

በሜሪላንድ የተበዘጋጀው እና 30ኛ አመቱን ያስቆጠረው የሰሜን አሜሪካ የስፖርት ፌስቲቫል ESFNA ባለፈው እሁድ በደማቅ ፕሮግራም ተከፍቶ ታዳሚዎችን እያዝናና የቆየ ሲሆን በነገው እለት ይጠናቀቃል ተብሎ ይጠበቃል። ለውድድሩ በአሜሪካ እና ካናዳ የሚኖሩ በርካታ ኢትዮጲያውያን የተሰባሰቡ ሲሆን ከእግር ኳሱ ውድድር በተጨማሪ በርካታ ሙዚቀኞች በየምሽቱ ፕሮግራሞችን በማቅረብ ኢትይጲያውያንን እያዝናኑ ይገኛል። ሃይሌ ሩትስ፣ አስቴር አወቀ፣ ፀጋዬ እሸቱ፣ ኤፍሬም ታምሩ፣ ሙኒት፣ ጃኖ ባንድ፣ ጃ ሉድ፣ መሃሙድ አህመድ እና ቴዲ አፍሮ ዝግጅቶቻቸውን ከውድድሩ ጋር አስታከው ለማቅረብ በከተማው ይገኛሉ።

በዝግጅቱ የተነሱ የተወሰኑ ፎቶዎችን ይመልከቱ

This slideshow requires JavaScript.

ሰር አሌክስ ፈርጉሰን ከ26 አመት ቆይታ በኋላ ከማንቸስተር ዩናይትድ አስልጣኝነት ሊለቁ ነው

siralex

እ.ኤ.አ በ1986 ዓ.ም ከሮን አትኪንስ በኋላ ማንቸስተር ዩናይትድን ማሰልጠን የጀመሩት ሰር አሌክስ ፈርጉሰን 13 የፕሪሚየር ሊግ፣ 5 የኤፍ ኤ ካፕ፣ 2 የቻምፒዮንስ ሊግ፣ 1 የአውሮፓ አሸናፊዎች አሸናፊ እና 1 የአለም ክለቦች ቻምፒዮን ጨምሮ 38 ዋንጫዎችን ከክለቡ ጋር በማግኘት የእንግሊዝ ውጤታማ አሰልጣኝ ከሆኑበት ቡድን ለመልቀቅ መወሰናቸውን ክለቡ ይፋ አደረገ። ከ11 አመት በፊት ከአሰልጣኝነት ለመልቀቅ የደረሱበትን ውሳኔ በባለቤታቸው ምክር ቀይረው በውጤታማነት የቀጠሉት ሰር አሌክስ ከቡድኑ የመልቀቃቸው ዜና ብዙዎችን አስደንግጧል።

በመጪው እሁድ በኦልድ ትራፎርድ በሚደረገው የፕሪሚየር ሊግ ጨዋታ ደጋፊውን የሚሰናበቱ ሲሆን በክለቡ ውስጥ በሃላፊነት እና በአማካሪነት ደረጃ እንደሚቀጥሉ ታውቋል። ሰር አሌክስ የመልቀቃቸው ውሳኔ እጅግ ከባድ እንደሆነ ነገር ግን ግዜው ትክክለኛ እንደሆነ ተናግረዋል። “ክለቡን ጠንካራ አድርጎ መልቀቅ ወሳኝ ሲሆን እኔም ያንን አሳክቼ የሄድኩ ይመስለኛል” ብለዋል። ሲያክሉም “የዘንድሮ የእንግሊዝ ቻምዮን የሆነው ቡድን በጥሩ ብቃት ላይ የሚገኝ ሲሆን የአንጋፋ እና ወጣት ተጫዋቾች ስብጥሩም ጥሩ ነው። የታዳጊዎች ፕሮጀክቱም አስተማማኝ በመሆኑ ክለቡ በመጪዎቹ ግዜያት ጠንካራ ተወዳዳሪ እንደሚሆን አልጠራጠርም” የሚል አስተያየት ሰጥተዋል። ባለቤታቸውን፣ የክለቡን ባለቤቶች፣ ደጋፊዎችን እና ተጫዋቾቻቸውንም አመስግነዋል ሰር አሌክስ።

ብዙዎች እሳቸውን ተክቶ የሚቀጥለው አስልጣኝ በውጤታማነት ለመቀጠል ብዙ ጫና እንደሚኖርበት እየተናገሩ ሲሆን የኤቨርተኑ ዴቪድ ሞየስ፣ የሮያል ማድሪዱ ጆሴ ሞሪንሆ ወይም የቦሪሲያ ዶርትመንዱ የርገን ክሎፕ ሊተኳቸው ይችላሉ እያሉ ነው።

ማንቸስተር ዩናይትድ የ2012/2013 የእንግሊዝ ፕሪምየር ሊግ ሻምፒዮን መሆኑን አረጋገጠ

united

ማንቸስተር ዩናይትድ ሮበን ቫን ፐርሲ ባገባቸው 3 ጎሎች አስቶንቪላን 3-0 ባሸነፈበት ጨዋታ ክለቡ ለ20ኛ ግዜ የእንግሊዝ ሻምፒዮን ሆኗል። ባለፈው አመት በመጨረሻው ጨዋታ በመጨረሻ ደቂቃው ላይ በከተማው ተቀናቃኝ ማንቸስተር ሲቲ ዋንጫውን የተነጠቀው ዩናይትድ ዘንድሮ 4 ጨዋታ እየቀረ በሁለተኛነት ከሚከተለው ማንቸስተር ሲቲ የ16 ነጥብ ልዩነት በመያዙ አሸናፊ ሆኗል።

Continue reading

ባየር ሙኒክ የዘንድሮ የጀርመን ቡንደስ ሊጋ አሸናፊ መሆኑን አረጋገጠ

bundesliga

ታዋቂው ባየር ሙኒክ ገና 6 ጨዋታ የሚቀረውን የቡንደስሊጋ ውድድር ለ23ኛ ግዜ አሸናፊነቱን ያረጋገጠው ባሳለፍነው ቅዳሜ ከሜዳቸው ውጪ ኢንትራክት ፍራንክፉርት 1-0 በሆነ ጠባብ ውጤት በማሸነፍ ነው። በሊጉ በሁለተኛነት የሚከተለው የአምናው ሻምፒዮና ዶርትመንድ ሲሆን 6 ጨዋታ እየቀረ በመካከላቸው የ20 ነጥብ ልዩነት በመኖሩ ባየርን አሸናፊ ነቱ ታውቋል። Continue reading

የአውሮፓ ሻምፒዮንስ ሊግ ዳጎስ ያለ ገንዘብ

uefa-champions-league-logo

በ32 የአውሮፓ ክለቦች መካከል በየአመቱ የሚካሄደው እና አንዳንዶች የአለማችን ተወዳጁ የእግርኳስ ውድድር ብለው የሚጠሩት ሻምፒዮንስ ሊግ የዘንድሮ አመት ወደ ሩብ ፍጻሜ የሚያስኬዱ ምድቦች ይፋ ሆኗል። ዘጠኝ ግዜ ውድድሩን ያሸነፈው ሪያል ማድሪድ ከማንቸስተር ዩናይትድ ጋር የተደለደሉበት ጨዋታ ከወዲሁ ማነጋገር የጀመረ ሲሆን ባርሴሎና ከኤሲ ሚላን እና አርሴናል ከባየር ሙኒክ የሚያደርጉት ጨዋታም የዘንድሮውን ውድድር በተመልካቾች እና በተጫዋቾቹ በጉጉት እንዲጠበቅ አድርጎታል። የክለቦቹ ባለቤቶች እና ሃላፊዎች ግን ከጨዋታው በተጨማሪ የሚያጓጓቸው ክለቦቹ በውድድሩ የሚያገኙት ዳጎስ ያለ ክፍያ ነው።

በመጀመሪያ ሁሉም 32 ክለቦች በውድድሩ ተሳታፊ በመሆናቸው እያንዳዳቸው 11.4 ሚሊዮን ዶላር የሚከፈላቸው ሲሆን በመጀመሪያው ዙር በሚያካሂዱት 6 ጨዋታ ካሸነፉ 1.3 ሚሊዮን ዶላር እና አቻ ከወጡ 650ሺህ ዶላር ከውድድሩ አዘጋጅ በሽልማት መልክ ያገኛሉ። ከዚህ በተጨማሪ ከታዳሚ እና ከቴሌቭዥን ስርጭት የሚያገኙት ገንዘብ ገቢያቸውን ያሳድገዋል። ለምሳሌ ማንቸስተር ዩናይትድ በአምናው ውድድር የመጀመሪያው ዙር ቢሰናበትም በአንድ ጨዋታ ከቴሌቭዥን ስርጭት እና ከተመልካች የሚያገኘው 5 ሚሊዮን ዶላር ታክሎበት በውድድሩ 45.6 ሚሊዮን ዶላር አግኝቶ ነበር።

የአምናው ባለዋንጫ የእንግሊዙ ቼልሲ ለፍጻሜ እስኪደርስ 32 ሚሊዮን ዶላር ያገኘ ሲሆን አሸናፊ በመሆኑ ተጨማሪ 32 ሚሊዮን ዶላር አግኝቶ በውድድሩ ያገኘውን የሽልማት መጠን ወደ 90 ሚሊዮን ዶላር ደርሶ ነበር። እግር ኳስ ለብዙዎች ተወዳጁ ጨዋታ ቢሆንም የሚንቀሳቀሰው ገንዘብ ሲታይ ከስፖርትነቱ አልፎ ትልቅ የንግድ መስክም ነው። [goal.com]